Baby_DloOo3a ][ المديرهـ العامهـ ][
عدد الرسائل : 133 البلده : دار بو خليفهـ المزاج : CoOoL ~{ -- $M$ : ( -- يا حبيبي حبك فدمي وسط قلبي و الشرايني يوم اشوفك ينجلي همي و من على الدنيا تنسيني -- ) تاريخ التسجيل : 25/01/2008
| موضوع: تخاريف أيام أول ((الحمد لله والشكر)) ..... الجمعة فبراير 01, 2008 1:24 pm | |
| السلام عليكم ورحمة الله وبركاته
إن شاء الله تعيبكم وراح تستغربون منها بعد
- بو بشير، وهو حشرة ضعيفة وطويلة و عندها أجنحه طوال، كانوا يعتقدون إذا جافوه يبشر عن ضيف ياي أو عمل ناجح أو المطر بينزل (( حشا ما أسوت حشرة هاي آلهة والعياذ بالله ))
-أم النقيع هي حشرة من الخنافس، كانوا يمسكونها بأيدهم ويتمنون أمنية إذا نقعت بتتحقق الأمنية وإذا ما نقعت ما بتتحقق (( شايفنه في فلم هندي خخخخخخ ))
- الطيطار إذا ضربناه وانقطع ذيله لازم ينحط على الذيل شيء لأنه يدعي على أهل البيت. ((انا أكره الطياطير ))
- هاي حق اهل البحر بس إذا بتاكل السمجة لازم تقطع راسها قبل ما تبتدي فيها (( إذا عرف السبب بطل العجب لووووووول ))
- تعالو يا الشعراء هاي لكم أصحاب المهياوه ما يخصهم : يقولون اللي ياكل لسان الذبيحة يستوي شاعر (( وأنا أقول ليش كلهم هابين عالشعر أحين ))
- الماي مب زين ينشرب حزة المغرب، لأنه يمرض (( لا تصدقون وأكبر دليل .. كاني بعدي حي ههههههه ))
- يوم بتي ترقد لا تحط الماي عند راسك لأنه يخف نظر العين (( حطوه تحت المخده أحسن لوووول )).
- النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه ووتكفيخ .ويقولون حرام اتم الجهة السفلية من النعال مجابلة السماء لان فيها الله... ((انزين والوصخ المكود ع الارض...ما يجابل السما؟ ))
- كانوا يدخنون بالشبه لأنه يطرد الحسد (( والله لو يحرقون البيت ماراح ينطرد الحسد ))
- كانوا يقولون إذا رفت العين اليمين خير، وإذا رفت العين اليسار شر (( شو رايكم تشوفون بعين وحدة بعد ؟؟؟ ))
- إذا كفك اليمين حجك يعني بتعطي حد فلوس، وأذا اليسار بتقبض فلوس (( أظني كل حد بيتمنى ا يده اليسار تحجة ))
- إذا خشمك حجك يعني بتسلم على شخص ياي من بعيد.- إذا اذنك انسدت يعني حد يطريك يا بالخير أو بالشر (( احم احم ما أسمع زين .. منو يطريني؟؟ ))
- أذا كان شخص طالع وزقرته أو قلتله لا تطلع .. مب زين، لأنه يمكن يستويله شي. (( هاي شغلتكم يا الحريم ... كثروا منها لووووووول ))
- الياهل ( الطفل ) لازم يحطون في منزه ( مهده ) سجين وملح وقرآن، عشان يحفظه الله بالقرآن، والسجين والملح عن الجن. ((أصلا حط السجين و الملح يعد كفرا عسب جي لا تسوونها ))
للأمانة، انا ناقلنه بس عدلت فيه شوي ان شاء الله عجبكم!! | |
|